Fótbolti.net fékk fyrirliða og þjálfara allra liðanna í Lengjudeildinni til að spá fyrir sumarið. Liðin fengu stig frá 1-9 en ekki var hægt að spá fyrir sínu eigin liði og var HK spáð 8. sæti og þar með áframhaldandi sæti í deildinni, en alls leika 10 lið í deildinni.
HK léku vel í fyrra og enduðu í 2. sæti í 2. deild og með því tryggðu þær sér sæti í Lengjudeildinni, en HK lauk keppni með 35 stig eftir 16 leiki.
Jakob Leó Bjarnason tók við sem þjálfari liðsins í haust, en liði hefur misst fjóra leikmenn frá því í fyrra en það eru komnir átta nýir leikmenn. Það verður fróðlegt að fylgjast með stelpunum í sumar enda flestar uppaldar í HK.
HK leikur sinn fyrsta leik í Lengjudeildinni á móti Víkingi í Fossvoginum 6. maí, en þær eiga síðan KR heima í annarri umferð 13. maí nk.
Komnar:
Arna Sól Sævarsdóttir frá Fram
Björk Björnsdóttir frá KR
Danielle Marcano frá Bandaríkjunum
Elísabet Eir Hjálmarsdóttir frá FHL
Freyja Aradóttir frá Fylki
Ísold Kristín Rúnarsdóttir frá Haukum
Magðalena Ólafsdóttir frá Fram
Farnar:
Anna María Björnsdóttir í Stjörnuna (var á láni)
Ásta Hind Ómarsdóttir í Fram
Lára Ósk Albertsdóttir í Fram
Ólöf Ragnarsdóttir í Fram