Fótbolti.net spáir Breiðabliki 2. sæti í Pepsí-Max deild kvenna en Breiðablik varð Íslandsmeistari í fyrra. Liðið vann 14 leiki en tapaði aðeins einum leik allt sumarið og fékk eingöngu á sig þrjú mörk.
Það hafa orðið miklar breytingar á leikmannahópnum auk þess sem Þorsteinn Halldórsson þjálfara liðsins til nokkurra ára tók við A-landsliði Íslands og Vilhjálmur Haraldsson tók við liðinu. Villi þekkir þó vel alla umgjörðina hjá Breiðablik en hann var sjálfur leikmaður Blika á sínum tíma, þjálfaði þar yngri flokka félagsins og þá var hann aðaþjálfari Augnabliks 2019 og 2020.
Þrátt fyrir miklar breytingar á leikmannahópnum þá eru Blikar sannarlega með lið til að berjast um báða stóru titlana í sumar.
Alls hafa 11 leikmenn yfirgefið herbúðir liðsins frá því í fyrra, nokkur stór nöfn farið í atvinnumennsku og þá lagði fyrirliði liðsins, Sonný Lára Þráinsdóttur hanskana á hilluna. Fjórir nýir leikmenn hafa bæst í hópinn auk þess sem aðrir fjórir leikmenn koma til baka úr láni. Þá voru nokkrir sterkir leikmenn fjarverandi í fyrra vegna meiðsla en þeir snúa nú aftur til baka.
Komnar:
Ásta Vigdís Guðlaugsdóttir frá Keflavík (Var á láni)
Birta Georgsdóttir frá FH
Ísafold Þórhallsdóttir frá Augnabliki (Var á láni)
Karitas Tómasdóttir frá Selfoss
Telma Ívarsdóttir frá FH (Var á láni)
Tiffany McCarty frá Selfossi
Þórdís Hrönn Sigfúsdóttir frá KR
Þórhildur Þórhallsdóttir frá Augnabliki (Var á láni)
Farnar:
Alexandra Jóhannsdóttir í Eintracht Frankfurt
Berglind Björg Þorvaldsdóttir til Le Havre
Elín Helena Karlsdóttir í Keflavík (á láni)
Esther Rós Arnarsdóttir í FH
Guðrún Gyða Haraldz í Þrótt
Íris Dögg Gunnarsdóttir í Þrótt
Karólína Lea Vilhjálmsdóttir til Bayern Munchen
Sonný Lára Þráinsdóttir hætt
Sólveig Jóhannesdóttir Larsen í Val
Sóley María Steinarsdóttir í Þrótt
Sveindís Jane jónsdóttir í Keflavík (Var á láni)
Fyrsti leikur Breiðabliks er á þriðjudaginn kl. 19:15 þegar Fylkir kemur í heimsókn á Kópavogsvöll. Blikar fara svo til Eyja í annarri umferð og mæta þar heimakonum í ÍBV, en sá leikkur mánudaginn 10. maí.
Á myndinn er Villi þjálfari ásamt Tiffany McCarty sem koma á dögunum frá Selfossi
