Vellir GKG koma framar vonum undan vetri í ár og hefur svona ástand ekki sést í langan tíma hérlendis.
Opna á Mýrina og holur 1-3 og 13-18 á Leirdalsvelli fimmtudaginn 5. maí kl 09:00, sem sagt opnum neðri hlutann fyrst.
Stefnt er svo að því að efri hluta Leirdalsvallar opni laugardaginn 7. maí og verður þá hefðbundið skipulag á völlunum.
Hér fyrir neðan eru mikilvægar upplýsingar fyrir félagsmenn og golfara.
Reglur um skráningu eru eftirfarandi:
- Félagsmenn geta skráð sig með fjögurra daga fyrirvara
- Félagsmaður getur verið með að hámarki þrjár virkar skráningar í einu.
- Skráning opnar kl. 21:00 (Félagsmaður sem ætlar að skrá sig í golf á sunnudegi, getur gert það frá miðvikudagskvöldinu kl. 21:00)
- Utanfélagsmenn geta skráð sig með tveggja daga fyrirvara.
Það eru fjölmargar breytingar og andlitslyftingar á völlunum okkar þetta árið. Þær helstu eru:
- Endurhönnun 18. flatar. Verður tekin í notkun í haust, ef allt gengur upp.
- Ný 2200 fermetra æfingaflöt verður opnuð í júní
- Nýr 41 teigur á 5. braut á Mýrinni
- Nýr stígur vinstra megin við 10. braut á Leirdalsvelli, fjær flötinni en áður.
- Grjóthleðsla uppgerður 11. teigur
- Glompur teknar í make over á 5. og 11. braut
- Þriðja brautin hefur verið endurhönnuð og sléttuð ásamt nýjum brautarglompum.
