Stefnt er að því að framkvæmdir við utanhúsviðgerðir á yfirlæknabústaðnum á Vífilsstöðum hefjist á þessu ári, en fjármagn hefur verið tryggt fyrir framkvæmdunum. Áætlaður heildarkostnaður við utanhússviðgerðir eru í kringum 120 milljónir króna samkvæmt greinargerð sem unnin var í ársbyrjun á vegum Ríkiseigna.
Þetta kemur fram í svari Bjarna Benediktssonar, fjármála- og efnahagsráðherra, við fyrirspurn Sigmundar Davíðs Gunnlaugssonar, formanni Miðflokksins, sem vildi fá að vita hvað hefði verið gert til að vernda eða gera upp yfirlæknabústaðinn á Vífilsstöðum.
Í svari Bjarna kemur fram að yfirlæknabústaðurinn hafi verið færður í umráð Ríkiseigna frá Landsspítalanum til að hægt væri að tryggja varðveislu eignarinnar, en ástand hennar er lélegt eins og sést á forsíðumyndinni og hefur eignin staðið ónotuð í um árabil. Var Ríkiseignum falið það verkefni að kanna ástand húsa á Vífilsstöðum en þar standa fjórar eignir, gamla heilsuhælið, fjósið, mótorhúsið og yfirlæknbústaðurinn, sem eru friðaðar samkvæmt lögum um menningarminjar en eignirnar eru allar yfir 100 ára.