Í síðustu viku voru undirritaðir tveir merkir samningar. Annars vegar undirrituðu Dr. Janus Guðlaugsson og Stefanía Magnúsdóttir fv. formaður Félag eldri borgara í Garðabæ (FEBG) samning til eflingar heilsuræktar eldra fólks í Garðabæ. Hins vegar undirrituðu Þórunn Sveinbjörnsdóttir fv. formaður Landssambands eldri borgara (LEB) og Dr. Janus samning við LEB til að efla þátttöku eldra fólks í heilsueflingu.
LEB fékk styrk frá félagsmálaráðuneytinu til að heilsueflingar meðlima sinna. FEBG verður fyrsta félagið til að fá styrk frá LEB í þessa þágu og kemur sér vel þegar ráðist er í svo stórt verkefni. Kynning á verkefninu Janus heilsurækt verður kynnt í ágúst og fer af stað í framhaldi af því.
Samningur FEBG við Janus heilsueflingu byggir á nýgerðum samningi FEBG við Garðabæ um félags og heilsuræktarstarf eldri borgara í Garðabæ. Garðabær er ekki beinn aðili að samningi FEBG við Janus heilsueflingu en er stuðningsaðili hvað varðar aðstöðu og faglega ráðgjöf undir stjórn íþrótta-, tómstunda- og forvarnafulltrúa bæjarins. Samningarnir taka mið af markmiðum Sameinuðu þjóðanna um sjálfbærni og miða að því að valdefla félagið í þjónustu við sína félagsmenn og íbúa Garðabæjar 67 ára og eldri.
Garðbær er heilsueflandi samfélag
Garðabær er Heilsueflandi samfélag en meginmarkmiðið með því er að styðja samfélög í að skapa umhverfi og aðstæður sem stuðla að heilbrigðum lífsháttum, heilsu og vellíðan allra íbúa.
Í slíku samfélagi er heilsa og líðan íbúa í fyrirrúmi í stefnumótun og aðgerðum á öllum sviðum.