Stjörnustúlkur leika í Subway-deildinni á næsta tímabili, en sætið tryggðu þær sér með góðum 20 stiga sigri á KR í fjórða leik liðanna í undanúrslitum 1. deildarinnar í körfuknattleik, sem fram fór sl. sunnudag í Frostaskjóli.
Stjarnan lagði því KR samtals 3-1 í fjórum leikjum.
Úrslitarimman um sigur í deildinni hefst svo í kvöld er Stjörnustúlkur taka á mót Þór Akureyri, sem sigraði Snæfell í undanúrslitunum. Leikurinn fer fram í Umhyggjuhöllinni (Ásgarði) og hefst hann kl. 19:15
Leikur númer 2 er síðan á Akureyri á laugardaginn, 8. apríl og þriðji leikurinn er svo í Garðabæ miðvikudaginn 12. apríl. Það lið sem fyrr vinnur þrjá leiki verður svo 1. deildarmeistari.
Vegna fjölgunnar í Subway deildinni munu bæði lið úrslitaeinvígis taka sæti í efstu deild á næsta tímabili.
Mynd: Stjörnustúlkur unnu deildarkeppnina á dögunum, en nú hafa þær tryggt sér sæti í Subbway-deildinni á næsta tímabili og stefna á sigra leikina á móti Þór Akureyri og verða því sigurvegarar í 1. deildinni.