Sjálfstæðisflokkurinn í Garðabæ heldur hreinum meirihluta í Garðabæ og gott betur en það því flokkurinn fékk, þrátt fyrir að tapa einum bæjarfulltrúa frá kosningunum 2018, sjö bæjarfulltrúa af ellefu í bæjarstjórn.
Fjórir listar fengu fulltrúa kjörna í bæjarstjórn en voru aðeins tveir áður, Sjálfstæðisflokkurinn og Garðabæjarlistinn. Sjálfstæðisflokkurinn, Framsóknarflokkurinn, Garðabæjarlistinn og Viðreisn fengu fulltrúa kjörna núna, en Miðflokkurinn náði ekki inn kjörnum fulltrúa.
Sjálfstæðisflokkurinn fékk 49,1% atkvæða og Garðabæjarlistinn fékk 20,9% og tvö bæjarfulltrúa kjörna. Garðabæjarlistinn tapaði þar með einum bæjarfulltrúa frá 2018 og ástæðuna má kannski rekja til þess að Viðreisn sleit samstarfinu við flokkinn og bauð undir nafni Viðreisnar í fyrsta skipti í Garðabæ og fékk einn fulltrúa kjörinn. Framsóknarflokkurinn fékk einnig einn mann kjörinn í bæjarstjórn og er það í fyrsta skipti síðan 2002 sem Framsóknarflokkurinn fær fulltrúa kjörinn í bæjarstjórn þegar flokkurinn býður fram undir eigin nafni.
Viðreisn fékk 13,3% atkvæða, Framsóknarflokkurinn fékk 13,1% atkvæða og Miðflokkurinn fékk 3,7% atkvæða.
Kjörsókn í Garðabæ var 64,1% sem er örlítið minni kosningaþátttaka en árið 2018 (67%).
Myndin er af bæjarstjórn 2018-2022