Fræðslu- og upplýsingafundur vegna máva verður haldinn fyrir íbúa Garðabæjar miðvikudaginn 12. apríl kl. 17 í Sjálandsskóla.
Óánægja hefur skapast meðal hluta íbúa í ákveðnum hverfum vegna ágangs sílamáva sem að mati íbúa hefur aukist undanfarin ár og valdið óþægindum.
Samkvæmt íbúum er töluvert mávavarp t.d. í Sjálandshverfi og öðrum hverfum í bænum. Mávar hafa möguleika á að leita sér skjóls á húsþökum sem víða eru flöt og sum hver með stórum steinum sem gera heppilegan varpstað.
Fundarstjóri verður Stella Stefánsdóttir, formaður umhverfisnefndar Garðabæjar.
Dagskrá verður eftirfarandi:
Almar Guðmundsson, bæjarstjóri opnar fundinn
Fræðsluerindi heldur Arnór Þórir Sigfússon, dýravistfræðingur frá Verkís.
Opið fyrir spurningar: Magni Konráðsson meindýraeyðir og Arnór Þórir Sigfússon, dýravistfræðingur sitja fyrir svörum.
