Sigurkarl jarðfræðikennari í FG er duglegur að þramma um lendur skersins með nemendur sína í Fjölbrautaskólanum í Garðabæ og rétt fyrir skólalok skrapp hann með hóp jarðrfæðinema í Búrfellsgjá.
Í tilkynningu frá Sigurkarli segir: ,,Um daginn fóru jarðfræðinemar í lauflétta gönguferð um Búrfellsgjá að Búrfellsgíg þar sem mikil hraun hafa runnið fyrir um 7000 árum og skilið eftir sig mörg hraun eins og Gálgahraun, Garðahraun, Moldu- hraun og Vífilsstaðahraun. Hrauntröðin sem hraunrennslið fór um er ein sýnilegasta og vinsælasta gönguleið landsins. Nemendur fræddust um þennan atburð og fleira í fjölbreyttri jarðfræði landsins.“
Við þetta má kannski bæta að hraunmyndirnar í Búrfellsgjá er geysilega fallegar og er leitun að öðru eins í nágrenni Garðabæjar, sannkölluð náttúruperla. Útivist er líka holl.