Það var góð stemmning í íþróttahúsinu Mýrinni á dögunum, en þá sýndu hátt í 100 eldri borgarar hversu megnugir þeir eru þegar þeir stigu á gólf Mýrinnar og tóku nokkur glæsileg dansspor.
Ástæðan fyrir þessari uppákomu var sú að Félag eldri borgara í Garðabæ bauð eldri borgurum víða á höfuðborgarsvæðinu, vinum þeirra og vandamönnum í dansleikfimi. Það vill svo til að allir þessir flottu eldri borgarar stunda dansleikfimi hjá dansdrottningunni og kennarunum Auði Hörpu í nokkrum sveitarfélögum og þeir komu allir saman, í boði FEBG, og dönsuðu saman í Mýrinni. Fjölmargir gestir fylgdust með, en á gólfi Mýrinnar voru klárlega skemmtilegustu dansarar landsins og jafnvel þeir bestu. Þeir voru í það minnsta mjög liprir, samstíga og gleðin skein úr hverju andliti.
Í lokinn var boðið upp á kaffi og kleinur sem dansarar og gestir þáðu með þökkum.
