Jóna Þórdís Eggertsdóttir er æskulýðsfulltrúi komandi árs í Vídalínskirkju þar sem hún mun halda utan um allt barnastarf kirkjunnar.
Jóna Þórdís er fædd og uppalin í Vestmannaeyjum og tók virkan þátt í æskulýðsstarfi þar sem barn. Helstu áhugamál hennar snúa að útivist, tónlist og almennu fjöri. Jóna Þórdís hefur ávallt notið sín í starfi með börnum og starfað í sumarbúðum KFUM og KFUK í Kaldárseli síðan 2014. Árið 2016 kom hún inn í barna-starfið í Vídalínskirkju og hefur tekið þátt í sunnudagaskólanum og tíu til tólf ára starfinu síðan þá. Jóna Þórdís stundar nám í kennslufræðum við Háskóla Ísland og hefur starfað sem kennari síðast liðin þrjú ár.
,,Við erum afskaplega þakklát fyrir að fá Jónu Þórdísi í starf æskulýðsfulltrúa því við vitum af eigin reynslu að hér er eðalkona á ferð,” segir Matthildur Bjarnadóttir æskulýðsprestur.
