Úthlutað hefur verið úr þróunarsjóði grunnskóla Garðabæjar fyrir árið 2023. Skólanefnd hefur lagt til við bæjarráð að úthlutað verði úr Þróunarsjóði Garðabæjar kr. 28.000.000, í samræmi við reglur sjóðsins.
Að þessu sinni bárust 25 umsóknir, sótt var um 35.848.948 kr., í sjóðinn. Allar umsóknir voru teknar til afgreiðslu og fagnar skólanefnd fjölda áhugaverðra umsókna sem bera vitni um metnaðarfullt skólastarf í Garðabæ, en ,,Eru ekki allir sexý“ er meðal verkefna sem fékk styrk úr sjóðnum.
Eftirfarandi umsóknir bárust og fengu styrk:
· Byggjum á rannsóknum og reynslu -Innleiðing Morningside módelsins, 2. innleiðingarár af 3
· Rytmaþjálfun og hljóðkerfisvitund
· Lesskilningur nemenda á texta tengdum náttúrufræði
· Vendikennsla-Stafræn tækni og textílmennt · Einstaklingsáætlun sem liður í samþættingu á þjónustu í þágu farsældar barna.
· Hönnunar og forritunarkennsla með SPIKE Prime
· Námsumhverfi lesblindrabarna- viðhald og þróun heimasíðu
· “Eru ekki allir sexý?” – kynfræðsluefni fyrir unglingastig
· Vefsíður fyrir námslotur í náttúru- greinum og ensku
· Félagsfærnisögur í teiknimyndaformi
· Sjálfsstjórn og sjálfsþekking nemenda
· Námsefnisgerð í stærðfræði á unglingastigi
· Verkefni fyrir Google Sheets töflureikni
· Nemendastýrð foreldrasamtöl
· Rafrænn verkefna og prófabanki.
· Leitin að nýsköpunarhugmyndum og þróun þeirra.
· Frímínútnafjör – Leikjaleiðtogar
· Stafsetning er leikur einn
· Orðaveggur úr Lífheimi
· Bambahús í skólastarfi
· “Vertu með!” – Félagsfærni- og samskiptaþjálfun · Verkefnabanki fyrir útinám
· Útikennsla og útivist
· Nemendalýðræði
· Nýsköpun og smáhlutaforritun
Forsíðumynd: Meðal verkefna sem fengu styrk úr Þrjóunarsjóði grunnskóla er verkefnið ,,Eru ekki allir sexý”, sem tengist Helga Björnssyni bara alls ekki neitt, þótt hann hafi gefið út samnefnt lag.
