Veitingastaðurinn Lemon hefur opnað nýjan stað í Hagkaup í Garðabæ. Lemon er skyndibitastaður sem að sérhæfir sig í hollum samlokum og ferskum djúsum. Staðurinn hefur hlotið mikilla vinsælda og eru staðirnir nú átta talsins, sex staðir á höfuðborgarsvæðinu og tveir á Norðurlandi.
Tíu skipta djúskort á 50% afslætti
Í tilefni opnunarinnar er boðið upp á drykkinn Elvis, einn af vinsælasta drykk Lemon, í dag, föstudaginn 9. september í Lemon Garðabæ. Einnig verður sértakt opnunartilboð helgina 9.-11. september en þá verður hægt að kaupa tíu skipta djúskort á 50% afslætti. Tilboðið gildir eingöngu á Lemon í Garðabæ dagana 9. 10. og 11. september.
,,Við höfum lengi verið með augun á Garðabær, enda fengið töluverðar fyrirspurnir frá Garðbæingum um opnun Lemon í Garðabæ. Í Hagkaup í Garðabæ kemur mikið af fólki og við teljum að viðskiptavinir eigi eftir að fagna því að geta gripið með sér hollar og bragðgóðar samlokur og sólskin í glasi í verkefni dagsins.“ segir Unnur Guðríður Indriðadóttir markaðstjóri Lemon.
