Séra Guðmundur Karl Brynjarsson sóknarprestur í Lindakirkju hlaut 28,11% atkvæða í kjöri til biskups, fékk hann næst flestu atkvæðin í kjörinu en úrslitin voru kunngjörð fyrir stuttu.
Enginn hlaut yfir 50% atkvæða í kjörinu og því þarf að kjósa aftur á milli tveggja efstu, sem er, ásamt Sr. Guðmundi, Guðrún Karls Helgudóttir sem hlaut 45.97% atkvæða. Þrjú voru í kjöri og fékk Séra Elínborg Sturludóttir 25,48% atkvæða.
Það verður því kosið aftur á milli Guðmundar Karls og Guðrúnar, en stefnt er að því að seinni umferð kosninga hefjist fimmtudaginn 2. maí klukkan 12 og standi yfir til þriðjudagsins 7. maí kl. 12.