Bókasafn Kópavogs og furðusagnahátíðin IceCon fá rithöfundinn og Kópavogsbúann Emil Hjörvar Petersen í lið með sér og efna til sagnagöngu laugardaginn 11. nóvember kl. 13:00-14:00.
Emil leiðir göngu um sögusvið nokkurra bóka sinna (Víghólar, Dauðaleit, Hælið), segir m.a. frá tilurð þeirra og hvernig umhverfið spannst inn í sögurnar.
Gangan hefst við útsýnisskífuna á Víghól en þaðan verður gengið niður í Hamraborg, í gegnum undirgöngin og niður að gamla Kópavogshælinu.
Emil Hjörvar er heiðursgestur á IceCon ‒ furðusagnahátíð á Íslandi sem haldin verður í maí næstkomandi.
Öll velkomin og þátttaka er ókeypis. Gangan fer af stað laugardaginn 11. nóvember kl. 13:00 frá Víghól í Kópavogi.
