Það styttist í opnun valla hjá Golfklúbbi Kópavogs og Garðabæjar og því upplagt að undirbúa sig með hring á Leirdalsvelli í Trackman golfhermum GKG í Íþróttamiðstöðinni.
Ekkert mótsgjald er fyrir þátttökuna, aðeins greitt fyrir notkun herma.
Leikið er á Leirdalsvelli í Trackman hermum GKG
Keppendur hafa frá 24. apríl – 2. maí til að taka þátt.
Keppandi greiðir fyrir notkun á hermi samkvæmt verðskrá, ekkert aukagjald er tekið fyrir þátttöku í mótinu.
Leikin er punktakeppni með fullri vallarforgjöf. Ef keppandi er með gilda Trackman forgjöf þá gildir sú forgjöf.
Veitt eru verðlaun í karla- og kvennaflokki og besta skor karla og kvenna án forgjafar.
Leikfyrirkomulag og aðstæður eru sjálfkrafa stilltar fyrir mótið:
Karlar leika á teigum 54 og konur á 48
Holustaðsetningar „medium“
Vindur „calm“
Pútt eru stillt á Auto two putt (1 pútt innan við 2,5 m, 2 pútt fjær en 2,5 m)
Skráning fer þannig fram að þátttakendur senda netfang sitt á [email protected], sem skráir í mótið.
Keppandi fær sjálfvirkan póst frá Trackman þar skráning er staðfest í mótið. Þetta er nauðsynlegt til að geta tekið þátt í mótinu.
Sjá leiðbeiningar inn á heimsíðu GKG
Þegar keppandi kemur síðan til að leika hringinn, þá skráir viðkomandi sig inn í herminn (Log in) sem notandi í Trackman Virtual Golf2 kerfið.
Velur síðan „Tournaments“ og þá ætti mótið „Vormót á Leirdalsvelli“ að birtast.
Hægt er að leika hringinn án meðspilara. Ef meðspilari leikur með þá þarf sá ekki að vera endilega með í mótinu, getur eins leikið sem gestaspilari.
Verðlaun í punktakeppni karla og kvenna:
1. sæti 6 boltar og hanski
2. sæti 6 boltar
3. sæti 3 boltar
Verðlaun fyrir besta skor í karla- og kvennaflokki:
6 boltar og hanski