Hið stórkostlega danspar, Eden Ólafsson og Freyja Örk Sigurðardóttir, gerðu sér lítið fyrir og unnu til silfurverðlauna í Ballroom dönsum á Evrópumeistaramótinu í sínum aldursflokki, en mótið fór fam í Blackpool á Englandi nú fyrir skemmstu. Þetta er stórkostlegur árangur hjá þeim, en þau eru aðeins 13 ára gömul og búa að sjálfsögðu í Garðabæ.
Þau miklar fyrirmyndir fyrir dansíþróttina þrátt fyrir ungan aldur, en þau æfa nánast eins og atvinnumenn. Þess má einnig geta að þau komust í 24 para úrslitum á öðru móti á dögunum, en það mót var opið öllum í heiminum og þar komu sterkustu danspörin saman í aldursflokknum 12-16. Það má því með sanni segja að þau séu meðal fremstu danspara í heiminum í dag í sínum aldursflokki í Ballroom dönsum, nánar tiltekið á topp 24 í aldursflokknum 12-16 ára og aðeins 13 ára gömul.
Þau eru með instagram reikning þar sem hægt er að fylgjast með öllu sem þau gera. @eden-andfreyja
Eden og Freyja eru frábærir íþróttamenn og þau ætla að leggja land undir fót á næstu mánuðum og árum og stefna langt í framtíðinni.
