Bólsetning gegn árlegri inflúensu er hafin á heilsugæslunni í Garðabæ. Í október er einstaklingum í forgangshópum boðið upp á bólusetningu. Í forgangi eru:
• Einstaklingar sem eru 60 ára eða eldri
• Fólk með langvinna sjúkdóma, s.s. hjarta-, lungna-, nýrna- og lifrarsjúkdóma, sykursýki, illkynja sjúkdóma og aðra ónæmisbælandi sjúkdóma.
• Þungaðar konur
Þessir hópar fá bóluefnið ókeypis en greiða komugjald sem er 500 kr. Eldri borgarar og öryrkjar eru undanþegnir komugjaldi.
Opið er frá kl 08:30-15:00. Boðið er upp á að bóka tíma í bólusetningu kl 10.00-12.00 og 13.00-15.00.
Til að flýta fyrir er gott að vera í stutterma bol eða skyrtu. Á heilsugæslunni er grímuskylda.
Að minnsta kosti fjórtán dagar þurfa að líða á milli bólusetningar gegn COVID-19 og inflúensubólusetningar.
