Nýir rafvagnar Strætó eru komnir í akstur og munu meðal annars fara um Garðabæ í Miðgarð, Urriðaholt og á Álftanes. Engin olíumiðstöð er í vögnunum og verða þeir kynntir með rafmagni. Þeir eru því mjög umhverfisvænir og eru góð viðbót við flota Strætó og í samræmi við stefnu Strætó um kolefnislausan flota árið 2030.
Hrannar Bragi Eyjólfsson, bæjarfulltrúi og stjórnarmaður Strætó frá Garðabæ, segir þetta vera afskaplega ánægjulegan áfanga. „Með nýjum rafvögnum fáum við bætt og aukið aðgengi meðal annars fyrir fólk sem þarf að nota hjólastól en einnig barnavagna og hjól svo dæmi séu tekin. Við erum mjög ánægð að geta boðið upp á umhverfisvænan valkost í umhverfisvænu samfélagi.“
Vagnarnir munu aka leiðir 8, 22, 23 og 31 og fyrir leið 22 í Garðabæ þýðir þetta betra aðgengi þar sem rafvagnarnir eru stærri og notendavænni en þeir sem óku leiðina áður. Settar hafa verið upp hleðslustöðvar bæði í Ásgarði og á Hesthálsi í reykjavík. Vagnarnir eru hlaðnir í lok eða á milli aksturs.
Forsíðumynd: Almar og Hrannar Bragi við nýja rafvagninn í Garðabæ
Hrannar Bragi og Almar Guðmundsson, bæjarstjóri fengu far með nýja vagninum um Urriðaholt ásamt Jóhannesi Rúnarssyni, framkvæmdastjóra Strætó.