Eins og fram kom fyrr í dag á kgp.is fögnuðu Hulda Clara Gestsdóttir, GKG og Aron Snær Júlíusson, GKG, Íslandsmeistaratitlinum í golfi í gær, en þetta er í fyrsta sinn sem þau sigra á Íslandsmótinu í golfi.
Alls hefur GKG sigrað 9 sinnum á Íslandsmótinu í karlaflokki, en Hulda Clara er fyrsti kylfingurinn í kvennaflokki úr röðum GKG sem fagnar þessum Íslandsmeistaratitili og sigurinn er því sögulegur fyrir félagið (GKG) því þetta er í fyrsta sinn sem báðir Íslandsmeistararnir komu úr röðum GKG.
Eins og fram kemur hér að ofan hefur GKG sigrað 9 sinnum á Íslandsmótinu í karlaflokki. Birgir Leifur hefur unnið alls 6 Íslandsmeistaratitla, en aðrir sem hafa sigrað úr röðum GKG eru Sigmundur Einar Másson (2006), Bjarki Pétursson (2020) og Aron Snær Júlíusson (2021).
Myndir: golf.is
