Dagur tónlistarskólanna er haldinn árlega í Tónlistarskóla Garðabæjar líkt og í öðrum tónlistarskólum landsins. Í ár er haldið upp á daginn laugardaginn 4. febrúar nk.
Markmiðið með Degi tónlistarskólanna er að vekja athygli á fjölbreyttri og öflugri starfsemi tónlistarskólanna í landinu.
Samspil er megin þema á Degi tónlistarskólanna í Tónlistarskóla Garðabæjar og bera tónleikar dagsins þess glöggt merki. Haldnir verða 14 stuttir tónleikar í tónleikasal og blásarasal skólans þar sem fram koma hljómsveitir, sampilshópar af ýmsum stærðum og gerðum, söngvarar og einleikarar. Tónlistin er að vanda fjölbreytt og skemmtileg.
Öll dagskráin fer fram í húsnæði skólans að Kirkjulundi 11, laugardaginn 4. febrúar. Dagskráin hefst kl. 10.30 og stendur fram eftir degi. Aðgangur er ókeypis og Garðbæingar eru hvattir til að koma í skólann og njóta tónlistar á þessari uppskeruhátíð skólans. Nánari upplýsingar um starfsemi skólans má finna á vef skólans, tongar.is.