Blikinn, Sóley Margrét Jónsdóttir átti gríðarlega góðan dag á Evrópumótinu í kraftlyftingum í búnaði sl. sunnudag þegar hún tryggði sér Evrópumeistaratitilinn annað árið í röð í +84 kg flokki, en mótið fór fram í Lúxemborg. Þetta er annað árið í röð sem Sóley Margrét verður Evrópumeistari í þessum þyngdarflokki, en Sóley sem er 22 ára gömul og fyrst í sögu íslenskra kraftlyftinga til að verða tvisvar Evrópumeistari.
Sóley, sem var valin Íþróttakona Kópavogs 2022 og gerir væntalega tilkall til þess fyrir árið 2024, setti Íslandsmet í bekkpressu á mótinu þegar hún lyfti 192,5 kg. Samanlagt lyfti Sóley 677.5 kg sem er jafnframt bæting um 2.5 kg á hennar eigin Íslandsmeti. Mynd kraft.is
