Sjávarlífverur og -gróður af öllu tagi er innblástur fyrir grafíksmiðju sem boðið verður upp á laugardaginn 30. september á Náttúrufræðistofu Kópavogs.
Í smiðjunni verða skoðaðar margvíslegar sjávarlífverur sem finna má á Náttúrufræðistofu Kópavogs. Þá teikna þátttakendur mynd á pappír, rúlla grafíkliti á plexigler og leggja svo blaðið á litinn. Því næst teikna þau ofan í línurnar og skapa sitt eigið listaverk, innblásið af sjávarlífverum og sjávargróðri. Þessi tækni kallast einþrykk og þátttakendur geta tekið listaverkin heim.
Smiðjan hentar sérstaklega vel börnum á grunnskólaaldri og fjölskyldum þeirra. Aðgangur er ókeypis og öll hjartanlega velkomin á meðan húsrúm leyfir en Fjölskyldustundir á laugardögum eru styrktar af lista- og menningarráði Kópavogsbæjar.
Skemmtileg grafíksmiðja fyrir alla fjölskylduna
