Við viljum um leið og skólarnir hefjast minna á fermingarstarfið í Garðabænum. Fermingin á sér djúpar rætur í íslensku samfélagi. Það má segja að fermingarfræðslan og fermingin sé falleg samleið heimila og kirkju þegar börnin okkar fara frá barnæsku yfir á unglingsárin. Það er oft svolítið flókinn tími og gott að staldra við og skoða mikilvæga vegvísa sem byggja á kristinni trú sem hefur mótað samfélag okkar í 1000 ár. Við héldum fund í maí með foreldrum og fermingarbörnum þar sem farið var yfir mikilvæga þætti varðandi starfið næsta vetur. Þá hófst einnig skráning í fermingarathafnir vorsins 2024, en núna er þegar búið að skrá 172 fermingarbörn. Það er hægt að fara inn á heimasíðuna okkar gardasokn.is og finna upplýsingar frá því á fundinum í maí og þar er einnig hægt að skrá fermingarbarnið. Við minnum einnig á guðsþjónustu og fund í Vídalínskirkju sunnudaginn 10. september kl.11:00.
Linkurinn er: Fermingarstarf – Garðasókn (gardasokn.is). Við hvetjum fólk til að kynna sér skipulag vetrarins og fermingardagana áður en skólinn hefst og margt drífur á daga barnanna. Einnig er hægt að fara inn á gardasokn.is og velja fermingarstarf undir flipanum safnaðarstarf og þar eru allar upplýsingar.
Með blessunaróskum
Prestar og starfsfólk Vídalínskirkju
