Íslandsmótið í golfi hefst í dag á Urriðavelli hjá Golfklúbbnum Oddi í Garðabæ.
Gríðarlegur áhugi var hjá kylfingum að komast inn á keppendalista Íslandsmótsins. Alls skráðu sig 200 til leiks en aðeins 153 komust inn á keppendalistann.
Alls eru 105 karlar og 48 konur á keppendalistanum. Þetta er fjórða árið í röð þar sem færri komast að en vilja á Íslandsmótinu í golfi.
Keppendur eru alls 153 og koma þeir frá 18 mismunandi klúbbum víðsvegar af landinu.
Flestir keppendur eru frá GR eða 35 alls og tæp 23% af heildarfjölda keppenda. Næst flestir keppendur koma frá GKG eða 32 keppendur sem er 21% keppenda, alls 12 konur og 20 karlar. Heimamenn í Oddi er alls 3,9% keppenda eða 6 talsins, tvær konur og fjórir karlar.
Alls eru 9 golfklúbbar með keppendur í kvenna – og karlaflokki.
Mynd. golf.is
