Það var kátur og hress hópur eldri borgara sem fagnaði merkum tímamót um miðjan september sl., en þá luku fyrstu þátttakendurnir í verkefninu Janus-Heilsuefling tveggja ára áfanga. Af því tilefni var efnt til samveru hjá þessum rúmlega 40 manna hópi í Jónshúsi.
Þátttakendur fengu viðurkenningarskjal fyrir að hafa lokið þessum tveimur árum sem verkefnið spannar en nú tekur við framhaldsþjálfun sem byggir á meira sjálfstæði og eigin aga undir leiðsögn Janusar-Heilsueflingar áfram.
Þátttakendur í Janusi – Heilsueflingu halda sínu striki bæði yfir sumarið og veturinn
Verkefnið Janus-Heilsuefling er öflugt forvarnar- og heilsubætandi líkamræktarprógram, en regluleg hreyfing er talin vera ein besta leiðin til að seinka öldrun og tapi á vöðvamassa og mikilvæg til að fólk eigi betri efri ár.
Hreyfing er lykill að betra lífi.
