Um eittleytið í nótt kviknaði eldur í Snyrtistofunni Garðatorgi á Garðatorgi 7 í Garðabæ og var allt tiltækt lið slökkviliðsins sent á vettvang enda hýsir Garðatorg 7 m.a. bæjarskrifstofur Garðabæjar, Heilsugæslu Garðabæjar, tannlæknastofur, Domino’s og Endurskoðun og ráðgjöf svo fátt eitt sé nefnt.
Betur fór en á horfðist því eldurinn náði ekki að breiðast út í annað húsnæði, en skemmdirnar á Snyrtistofu Garðabæjar eru taldar miklar. Slökkviliðið var um tvo tíma á vettvangi og var töluverður reykur kominn inn í fleiri húsnæði á torginu og sömuleiðis um allt svæðið. Í morgun voru flestir gluggar ef ekki allir opnir á Garðatorgi 7, enda mikil lykt eftir reykinn og flestir að lofta út. Ekki er vitað um eldsupptök eins og stendur, en lögreglan hefur innsiglað snyrtistofun og mun tæknideild lögreglunnar rannsaka eldsupptök síðar í dag.
Ekki er vitað um eldsupptök eins og stendur, en lögreglan hefur innsiglað húsnæðið og mun tæknideild lögreglunnar rannsaka eldsupptök síðar í dag.
