Félagsskapurinn Vinavoðir í Lindakirkju hóf göngu sína vorið 2014 og er alltaf er að vaxa.
Vinavoðir er prjónahópur, öllum opin, og hittast í Lindakirkju á mánudögum kl. 11:00-13:00 til að prjóna og eða hekla saman, spjalla og svo er alltaf heitt á könnunni. Myndast hefur gott samfélag sem auðvelt er að koma inn í. Fyrir utan vikulega samverustundir er alltaf farið í dagsferð á vorin eitthvert í nágrenni við höfuðborgina, hádegisverður snæddur og eitthvað áhugavert skoðað.
Vinavoðir prjóna bæði sjöl og ungbarnasmekki sem öll skírnarbörn í Lindakirkju fá afhent að gjöf.
Þú ert velkomin/nn í hóp Vinavoða en starfið er þátttakendum að kostnaðarlausu. HugsjónVinavoða kviknaði útfrá Prayer Shawl Ministries í Bandaríkjunum þar sem fjöldi handavinnuhópa hefur verið stofnaður til að prjóna og hekla sérstök bænasjöl.
Bænasjölin hafa verið gefin áfram sem vinarvottur og hlýjar blessunaróskir til sjúklinga og annarra sem eru staddir á krossgötum í lífi sínu.
Hugsjónin hefur breiðst út víða um heim og orðið mörgum til blessunar, bæði þeim sem gefa og þiggja.
Mörg dæmi eru til um þakklátt fólk sem hefur þegið sjal og síðar sjálft prjónað sjöl fyrir aðra sem þurfa þeirra með. Þannig berst blessunin áfram lykkju fyrir lykkju, mann fram af manni.
