Tvíeykið Hreyfing flytur nýja danstónlist

Splunkuný og forvitnileg danstónlist eftir Baldur Skúlason og Elías Geir Óskarsson verður flutt á útisvæði Gerðarsafns þriðjudaginn 25. júlí kl. 17:00. Allir hjartanlega velkomnir og aðgangur ókeypis. 

Verkefnið Hreyfing er hljómplata tileinkuð hinum ýmsu hefðum danstónlistar síðustu 50 ára. Í hverju lagi taka tónlistarmennirnir fyrir mismunandi upptökustíla í samræmi við þá undirtegund af danstónlist sem þeir einblína á í hvert sinn. Svo setja þeir lögin í nýstárlegan búning með þeirra eigin stíl svo úr verður heilsteypt samansafn af lögum.

Tónleikarnir eru liður í viðburðadagskrá Skapandi sumarstarfa í Kópavogi.

Nýjustu greinarnar

Tengdar greinar