Brekkuhlaup Breiðabliks á laugardaginn
Frjálsíþróttadeild Breiðabliks og Hlaupahópur Breiðabliks kynna spennandi nýjung: Brekkuhlaup Breiðabliks.
Brekkuhlaup Breiðabliks 2021 verður haldið laugardaginn 15. maí kl 10:00. Ræst verður í Kópavogsdalnum og endamarkið verður Kópavogsvelli.
Uppsöfnuð hækkun 250 metrar
Leiðin er 15,4 km og uppsöfnuð hækkun er um 250 metrar. Hlaupinn verður skemmtilegur hringur um stíga Kópavogs en eins og nafnið gefur til kynna var lögð sérstök áhersla á að finna leið sem innihéldi brekkur til þess að gera hlaupið bæði meira krefjandi og skemmtilegt.
Þannig þurfa þátttakendur að hlaupa upp hinn víðfræga Himnastiga, upp úr Kópavogsdal og einnig upp í efri byggðir Kópavogs. Það verður enginn svikinn af þessari áskorun.
Þátttökugjald er 3.900 krónur en skráningu lýkur á hádegi föstudaginn 14. maí.
Hlaupagögn verða afhent í Fífunni föstudaginn 14. maí kl 17-19.
Allar nánari upplýsingar og skráning eru á hlaup.is.
