Sumarsmellur Kristínar Tryggva

Nú stendur yfir sýning Kristínar Tryggvadóttur,  SUMARSMELLUR , í Gallerí Göngum.

Kristín er Kópavogsbúi og er með vinnustofu þar. Hún var félagi í Anarkíu Listasal, síðar Gallerí GÁTT. Hún er kennari frá KHÍ, stundaði nám við Handíða og Myndlistaskólann, Myndlistaskóla Reykjavíkur og Kópavogs og fór í námsferðir til Danmerkur og Ítalíu.

Kristín, er í SÍM, Íslenskri grafík og Vatnslitafélagi Íslands, og hefur haldið fjölda einka- og samsýninga hérlendis og í Danmörku, Ítalíu, New York, Svíþjóð, Bretlandi og Finnlandi.

Verk Kristínar á sýningunni spegla áhuga hennar á birtunni, árstíðunum og síbreytilegri náttúrunni. Hún hefur næmt auga fyrir litbrigðum landsins og leik ljóss og skugga.

Sýningin stendur yfir frá 1. júní fram í miðjan júlí 2023. Opnunartími er þriðjudagur til fimmtudags kl 10 – 16 og á föstudögum frá 10 – 15. Opið verður á laugardögum kl 13-15  og eftir samkomulagi.
[email protected]www.artkristin.comfacebook.com/artkristin51

Gallerí Göng er tengibyggingin milli Háteigskirkju og Safnaðarheimilisins. Gengið er inn að norðanverðu, eða þar sem gengið er inn í Safnaðarheimilið.

Nýjustu greinarnar

Tengdar greinar