Söngkeppni með óhefðbundnu sniði

Þær Freydís Edda Reynisdóttir frá félagsmiðstöðinni Fönix, Katrín Ýr Erlingsdóttir frá félagsmiðstöðinni Ekkó og Marín Inga Schulin Jónsdóttir frá félagsmiðstöðinni Kúlunni fóru með sigur af hólmi í Söngkeppni félagsmiðstöðva í Kópavogi.

Þær munu keppa fyrir hönd Kópavogs í Söngkeppni Samfés sem haldin verður í Bíóhöllinni á Akranesi á morgun, sunnudag.

Söngkeppni félagsmiðstöðva í Kópavogi var haldin með öðru sniði í ár í ljósi aðstæðna Covid-19. Keppnin sem er árlegur viðburður félagsmiðstöðvanna var að þessu sinni streymt í öllum félagmiðstöðvunum á meðan keppendur stóðu á svið í Salnum.  

Fulltrúar átta félagsmiðstöðva tóku þátt í keppninni sem var glæsileg, spennandi og öðruvísi en vanalega.

Ármann Kr. Ólafsson bæjarstjóri, Margrét Friðriksdóttir forseti bæjarstjórnar og Unnur María Agnarsdóttir formaður ungmennaráðs heiðruðu svo keppendur í Salnum og óskuðu þeim góðs gengis í komandi keppni.

Mynd frá vinstri: Ármann Kr. Ólafsson, Marín Inga Schulin Jónsdóttir, Katrín Ýr Erlingsdóttir, Freydís Edda Reynisdóttir, Unnur María Agnarsdóttir og Margrét Friðriksdóttir

Nýjustu greinarnar

Tengdar greinar

Vefkökur og persónuvernd

Vefur kgp.is notast við vefkökur í þeim tilgangi að veita þér sem bestu upplifun þegar þú heimsækir okkur á vefnum.  Vefkökurnar eru vistaðar í vafranum þínum og þjóna m.a. þeim tilgangi að kerfið "þekkir þig" þegar þú kemur aftur á vefinn okkar.  Þannig þarftu t.d. ekki að fara aftur í gegnum samþykktarferlið fyrir vefkökur, ert ekki spurð(ur) aftur og aftur hvort þú vilt skrá þig á póstlista eða um aðra virkni sem þú hefur annað hvort samþykkt eða hafnað í fyrri heimsóknum o.fl. o.fl.

Þú getur stillt vefkökurnar hér til vinstri.

Með kærri kveðju,
Starfsfólk KGP.is vefsins