Góðgerðardagur Kársnesskóla var haldinn með pompi og prakt fyrir skólalok, en þetta er árlegur viðburður haldinn í samstarfi við foreldrafélag Kársnesskóla á vorhátíð skólans. Nemendur fá með honum tækifæri til að taka þátt í raunverulegu verkefni sem skiptir máli í samfélaginu og samfélagi þjóðanna og noti sköpunarkraft sinn til að láta gott af sér leiða. Að þessu sinni var safnað fyrir SOS Barnaþorpin – Neyð á Gaza.
Nemendur í 7. bekk kusu með lýðræðislegum hætti eftir að hafa fengið kynningu á nokkrum hjálparstofnunum sem hafa börn í forgrunni sinnar starfsemi. Val nemenda var viðbúið þar sem fréttir af hörmungunum í Palsestínu hafa verið ofarlega í hugum nemenda sem og annarra. Skólinn færði svo SOS Barnaþorpum afrakstur söfnunar Góðgerðardags Kársnesskóla 2024. Í ár safnaðist hærri upphæð en nokkru sinni áður, skólasamfélagið lagði allt hönd á plóg og safnaðist kr. 1.052.883.
Forsíðumynd: Helgi Þór Atlason 7. bekk, Valdimar Leó í 10. bekk, Ljósbjörg Helga Daníelsdóttir
bekk, Lovísa Gísladóttir 7. bekk og Hjördís Rós Jónsdóttir, fræðslufulltrúi SOS Barnaþorpa tók á móti söfnunarfénu og veitti skólanum viðurkenningu