SKÚLPTÚR OG SMÖRRE er hugguleg kvöldstund sem verður boðið upp á morgun, fimmtudag kl. 18 í Gerðarsafni fyrir fullorðna þar sem gestir fást við gerð skúlptúra, frá hugmynd að listaverki. Innifalið í kvöldstundinni er aðgangur að sýningum safnsins ásamt léttum veitingum frá Króníkunni, smurbrauð og vínglas/óáfengur drykkur.
Listasmiðjan er hugsuð sem skemmtileg og skapandi upplifun undir handleiðslu myndlistarmanns sem mun leiða gesti inn í heim skúlptúrsins. Fyrsta smiðjan verður leidd af myndlistarmanninum Erni Alexander Ámundasyni þar sem verður unnið að gerð gifs skúlptúra.
Verð fyrir SKÚLPTÚR OG SMÖRRE er 12.900,-
Til að bóka pláss eða fá frekari upplýsingar sendið tölvupóst á netfangið [email protected] eða hringið í síma 4417601 á opnunartíma safnsins.
