Haustfrí grunnskólanna í Kópavogi er framundan og Gerðarsafn býður börnin að taka þátt í fjöltyngdri smiðju sem leiðir saman menningarheima í gegnum japanskt origami í Gerðarsafni á morgun, fimmtudaginn 24. október kl. 13.
Í haustfríinu verður s.s.boðið upp á skemmtilega og skapandi fjöltyngda smiðju í Gerðarsafni þar sem þátttakendur á öllum aldri fá að kynnast origami, japanskri listhefð, þar sem pappír er brotinn í litla skúlptúra. Þátttakendur læra að fylgja einföldum leiðbeiningum og enda svo á að búa til sinn eigin origami óróa.
Smiðjan er opin gestum á öllum aldri, en hvorki er krafist kunnáttu í origami né bakgrunns í listum. Hægt er að koma við á þeim tíma sem hentar hverjum og einum og dvelja eins lengi og hentar. Mælst er til að börn mæti í fylgd með fullorðnum.
Leiðbeinendur eru Yasuka Kawakami frá Japan og íslenska listakonan Ingunn Fjóla Ingþórsdóttir. Saman tala þær japönsku, íslensku og ensku.
Smiðjan er liður í viðburðaröðinni Together sem er skipulögð af Menningarhúsunum í Kópavogi í samstarfi við GETU – hjálparsamtök. Markmiðið er að stuðla að gagnkvæmum skilningi menningarheima og að vera samskipta- og sköpunarvettvangur fyrir fólk úr ólíkum áttum.
Aðgangur ókeypis og öll hjartanlega velkomin.
