Mikið fjör á vorhátíð félagsmiðstöðva eldri borgara

Vorhátíðir félagsmiðstöðva eldri borgara í Kópavogi voru haldnar í maí síðast liðnum og það var mikið fjör eins og sjá má á myndum.

Í Boðaþingi var hátíðin haldin í samstarfi við Hrafnistu og tókst með eindæmum vel til. Á öllum stöðvum, Boðaþingi, Gjábakka og Gullsmára, mættu þeir Bjarni Hall og Hörður G. Ólafsson og héldu uppi stuðinu. Það var mikið hlegið, sungið og dansað og meira að segja skellt sér í að dansa konga. Enginn skortur var á sumarskapi þó svo að það rigndi úti. Hlökkum til að endurtaka leikinn á næsta ári.