Stofnaðar hafa verið kröfur í heimabanka frá Kópavogsbæ vegna fasteignagjalda, leikskólagjalda og heimilisþjónustu í júlí hjá íbúum sem hafa nýtt boðgreiðslur kreditkorta.
Ástæða þessa er breyting hjá þjónustuaðila þar sem þjónusta Kópavogsbæjar er flutt frá Valitor yfir til Straums. Rafræn tenging við nýjan þjónustuaðila, Straum, er ekki tilbúin vegna þess að ekki náðist að uppfæra vefþjónustu hjá bænum fyrir boðgreiðslurnar í tæka tíð.
Vegna þessa verða þessar greiðslu innheimtar í gegnum heimabanka að þessu sinni en unnið er að því að koma á tengingum þannig að í ágúst verði skuldfært á kreditkort fyrir þessum reikningum.
Kópavogsbær biðst velvirðingar á þeim óþægindum sem þetta skapar.