Íbúum Kópavogs fjölgaði um 688, eða 1,8 % á tímabilinu frá 1. janúar 2021 til 1. janúar 2022, en það er 0,1% undir meðallagi yfir fjölgun íbúa sveitarfélaga á höfuðborgarsvæðinu, sem fjölgar um 1,9%.
Íbúum Garðabæjar fjölgaði um 760, eða 4,3 % á sama tima en það er mesta fjölgun meðal sveitarfélaga á höfuðborgarsvæðinu. Íbúum Reykjavíkurborgar fjölgaði um 2.420, sem er 1,8% eins og í Kópavogi á sama tímabili og íbúum Akureyrarbæjar fjölgaði um 416, eða 2,2%
Þegar horft er til alls landsins þá hefur íbúum Helgafellssveitar fjölgað hlutfallslega mest síðastliðna tólf mánuði eða um 19,7% en íbúum þar fjölgaði um 13 íbúa. Næst kemur Tjörneshreppur með 8,9% fjölgun en íbúum í sveitarfélaginu fjölgaði um 5.
Íbúum fækkaði hlutfallslega mest í Eyja- og Miklaholtshreppi um 15,1% og Skorradalshreppi um 9,1%. Þá fækkaði íbúum í 18 sveitarfélögum af 69 á ofangreindu tímabili.
Fjölgun í öllum landshlutum
Íbúum fjölgaði í öllum landshlutum. Hlutfallslega mest var fjölgunin á Suðurlandi eða um 3,3% og á Suðurnesjum um 3,2%.
Bæting í Kópavogi miðað við síðustu tvö ár
Þótt fjölgun íbúa í Kópavogi er undir meðallagi ef mið er tekið af sveitarfélögunum á höfuðborgarsvæðinu þá er fjölgunin á síðasta ári, 688 íbúar, þó töluvert meiri en áranna tveggja þar á undan, en frá 1. des. 2020 til 1. jan. 2021 fjölgaði íbúum í Kópavogi um 113 og frá 1. des. 2019 til 1. des 2020 fjölgaði íbúum um 273 íbúa samkvæmt tölum frá Þjóðskrá Íslands.
