Regnbogaþrep líta nú í fyrsta sinn dagsins ljós í hjarta Kópavogsbæjar. Tillaga þess efnis var samþykkt í bæjarráði um miðjan júlí en Vinnuskóli Kópavogs sá um framkvæmdina. Með þrepunum sýnir Kópa-vogsbæjar stuðning við réttindabaráttu samkynhneigðra með táknrænum hætti.
Regnbogaþrepin eru staðsett við Hamraborg og liggja á milli Bókasafnsins og Salarins. Hamraborg er fjölfarinn staður enda ein stærsta samgöngumiðstöð á Höfuðborgarsvæðinu og eru þrepin því kjörinn staðsetning upp á sýnileika regnbogans.
Útisvæðið við Menningarhúsin í Kópavogi hefur notið mikilla vinsælda í sumar og eru regnbogaþrepin því kærkomin viðbót við fjölbreytt umhverfi Menningarhúsanna.
Kópavogsbær, Hinsegin dagar og BYKO standa að baki verkefninu.
