Höfundar slógu í gegn í bókaspjalli

Friðgeir Einarsson og Hallgrímur Helgason ásamt Guðrúnu Sóley Gestsdóttur héldu uppi frábæru bókaspjalli á Bókasafni Kópavogs þann 30. nóvember s. l. Lásu höfundar upp úr nýjustu bókum sínum og var ekki annað hægt en að leggja við hlustir þar sem upplesturinn var ljúfur sem konfekt. Fór umræðan um víðan völl, efnistök bókanna tengd saman og hafði Hallgrímur orð á frábæru skipulagi og undirbúningi Guðrúnar Sóleyjar sem stóð sig með sannri prýði. Bestu þakkir til allra sem mættu til að njóta og sjáumst aftur í bókaspjalli að ári liðnu. Minnum á að enn er hægt að horfa á bókaspjallið, sem var streymt og hægt að nálgast hlekkinn á Facebook-síðu bókasafnsins.