Útivera og hreyfing ásamt fræðslu um heilsutengd málefni
Í þar síðustu viku voru hinir árlegu heilsudagar í Álfhólsskóla þar sem allir nemendur skólans tóku þátt í útiveru og hreyfingu ásamt því að fá fræðslu um heilsutengd málefni.
Útivera og hreyfing einkenndi þessa daga. Gengið var á Úlfarsfell, um Búrfellsgjá á Helgafellið og kringum Vífilsstaðavatn. Þá var farið á skauta á skautasvellið í Laugardal, bandýkynning og árgangameistaramót í íþróttahúsinu að Digranesi. Nemendur fengu líka kynningar frá skólahjúkrunarfræðingi, fyrirlestur frá næringarfræðingi, fræðslu um hegðun á netinu og netöryggi frá Heimili og skóla og skyndihjálpar- og endurlífgunarnámsskeið. Auk þessa var farið í ýmsa leiki þar sem heilsutengd efni voru tekin fyrir og notuð.
Allir voru sérlega glaðir að geta kvatt veturinn og tekið á móti sumrinu með þessum hætti.
