Eldri borgarar í Kópavogi á Njáluslóðum · Fengu Konungskaffi!

Í sumar fóru félagar í Félagi eldri borgara í Kópavogi í dagsferð um Njáluslóðir. Leið-sögumaður var Guðni Ágústsson. Byrjaði Guðni á því að kynna félögum nýja bæinn á Selfossi. ,,Þar keyptum við okkur „Konungskaffi“ og svo var rennt við í Laugardælakirkju og litið á leiði Fischers og síðan ekið á Njáluslóðir. Guðni er fróður um Njálu og allt að því „persónulegur vinur“ þeirra Njáls á Bergþórshvoli og Gunars á Hlíðarenda,” segir Baldur Þór Baldvinsson í ferðanefnd FEBK sem lét það fylgja með að þessi ferð hafi verið mjög vel heppnuð og allir mjög ánægðir með ferðina.