Ungmennafélagið Breiðablik og Gaming Arena ehf hafa gert með sér samning um afnot af nýrri og glæsilegri aðstöðu fyrir rafíþróttir að Smáratorgi 3 í Kópavogi.
Arena er 1.100m² afþreyingarmiðstöð þar sem aðstaðan verður í heimsklassa fyrir leikjaspilun á PC og Playstation. Ljóst er að mikill uppgangur hefur verið í rafíþróttum hér á landi sem og erlendis og hefur Breiðablik ekki farið varhluta af þeim mikla áhuga.
Stofnfundur á þriðjudaginn
Næstkomandi þriðjudag, 22. júní kl. 17:30, verður haldinn stofnfundur félags- og tómstundadeildar Breiðabliks sem mun hýsa rafíþróttirnar innan félagsins og hvetjum við alla sem hafa áhuga á að koma að starfi deildarinnar að mæta á fundinn en hann fer fram í Smáranum (Veitingasal félags-ins á 2. hæð).
Æfingar munu hefjast í haust og hefjast forskráningar í deildina 1. júlí n.k. og hvetjum við alla áhugasama að fylgjast vel með þegar opnað verður fyrir skráningar.
