Leikskólinn Kópasteinn fagnaði sextugsafmæli með skemmtun og opnu húsi miðvikudaginn 15. maí sl. Boðið var upp á hressingu að lokinni skemmtiatriðum.
Kópasteinn hóf starfsemi árið 1964 og er fyrsti leikskólinn í Kópavogi, settur á laggirnar níu árum eftir að Kópavogur fékk kaupstaðaréttindi.
Leikskólanum voru færðir gjafir og blóm frá menntasviði bæjarins og bæjarstjóra, Ásdísi Kristjánsdóttur.
Kópasteinn stendur í ákaflega fögru umhverfi við Borgarholtið sem hefur í gegnum tíðina verið vettvangur leiðangra og leiks barnanna. Menningarhús bæjarins eru líka iðulega sótt heim, enda skammt undan.
90 börn eru í leikskólanum og leikskólastjóri er Margrét Stefanía Lárusdóttir.
