Bæjarráð Kópavogs telur lög um orlof húsmæðra vera barn síns tíma og hvetur til þess að þau verði felld úr gildi, en þetta kemur fram í bókun bæjarráðs Kópavogs í síðustu viku.
Á fundi bæjarráðs var tekið fyrir erindi frá Sambandi íslenskra sveitarfélaga og lögð fram tilkynning frá félags- og vinnumark- aðsráðuneytinu um að framlag sveitarfélaga til orlofsnefnda á hverju svæði vera minnst kr. 141,01 fyrir hvern íbúa sveitarfélagsins. ,,Framlag þetta skal greiða orlofsnefnd viðkomandi orlofssvæðis fyrir 15. maí nk. sbr. 5. gr. laga nr. 53/1972,” segir í tilkynningunni.
Miðað við að íbúar í Kópavogi hafa nýlega náð 40 þúsund þá er hlutur Kópavogsbæjar rúmar 5,6 milljónir króna í orlofssjóð húsmæðra í Kópavogi og eins og áður segir telur bæjarráð þessi lög vera barns síns tíma.
