Fyrirkomulagi umferðar um Smárahvammsveg verður breytt samkvæmt tillögu að deiliskipulagi sem nú er í auglýsingu. Tengingar fyrir hjólandi og gangandi verða auknar og götur aðskildar með grænum svæðum.
Deiliskipulagið tekur til Smárahvammsvegar frá og með gatnamótun við Fífuhvammsveg að gatnamótum Arnarnesvegar.
Í tillögunni er akreinum fækkað svo Smárahvammsvegur verður ein akrein í hvora átt, almennt 3,5m breið og aðskildar með 5m breiðri miðeyju. Gatnamót Smárahvammsvegar—Fífuhvammsvegar og Smárahvammsvegar-Gullsmára/Silfursmára verða umferðarljósastýrð. Vinstri beygjur verða leyfðar á öllum gatnamótum um op í miðeyju.
Götur verða aðskildar grænum svæðum og eyjum með steyptum kanti. Göngustígar verða beggja vegna ganta og gönguþveranir verða við öll gatnamót í plani við gatnamót um hellulagða upphækkun í götu. Hjólastígur verður samhliða gangstíg vestan Smárahvammsvegar, í einstefnu upp í átt að Nónhæð.
Mynd: Smárahvammsvegur eftir þrengingar, hluti af uppdrætti.
