Íslandsmót golfklúbba 12 ára og yngri fór fram 3.-5. september og var keppt á þremur keppnisstöðum, hjá GK, GM og lokadaginn á Mýrinni í GKG.
GKG tefldi fram fjórum sveitum og voru krakkarnir sér og sínum algjörlega til sóma. Árangurinn var frábær, en uppskeran var Íslandsmeistaratitill í efstu deildinni (Hvítu), deildameistaratitlar í Gulu og Grænu deildinni og silfurverðlaun í þeirri Bláu.
Þetta var fimmta sinn sem þetta skemmtilega mót er haldið, en leikin var liðakeppni með Texas Scramble fyrirkomulagi, þar sem leikgleðin var allsráðandi. Alls var leikið í 5 deildum, samtals 22 lið og 110 keppendur. Óhætt er að segja að barna- og unglingastarf sé blómlegt í mörgum klúbbum.
Forsíðumynd: Græna deildin: Deildarmeistarar: Birna Grímsdóttir, Sara Björk Brynjólfsdóttir, Bríet Dóra Pétursdóttir, María Kristín Elísdóttir og Alda Ágústsdóttir
