Alls bárust 67 tilboð í 6 rað-/parhúsalóðir í Hnoðraholti norður, eins og fram kom í Garðapóstinum sl. fimmtudag og inn á kgp.is, en tilboðin í lóðirnar voru opnuð á fundi bæjarráðs sl. þriðjudag.
Hæstu tilboðin í hverja par-/raðhúsalóð hljóðuðu upp á samtals 608.400.000 kr. Stéttarfélagið ehf var einnig fyrirferðamikið þegar kom að tilboðum í par-/raðhúsalóðir í Hnoðraholti norður, og átti hæsta tilboðið í fimm af sex lóðum, en félagið átti hæsta tilboðið í allar 10 fjölbýlishúsalóðirnar eins og áður hefur komið fram.
Það var þó Gráhyrnan ehf sem var með hæsta tilboðið í einstaka rað-/parhúsarlóð en fyrirtækið bauð 122.200.000 kr. í Útholt 27-33, en Stéttarfélagið átti hæsta tilboðið í hinar fimm lóðirnar.
Mikill munur á hæsta og næst hæsta tilboðinu
Töluverður munur var á hæsta og næst hæsta tilboðinu fyrir lóðina Útholt 11-17, en þar bauð Stéttarfélagið ehf 114.400.000 kr. en næsta hæsta tilboðið, frá ESAIT ehf, var upp á 70.500.000 kr. og því munaði 43.900.000 kr. á tilboðunum tveimur
