Fermingarbörnin í Garðabænum ætla 2.-6 nóvember að sýna náungakærleik í verki með því að ganga í hús í bæjarfélaginu sínu með innsiglaðan bauk frá Hjálparstarfi kirkjunnar og bjóða bæjarbúum að leggja starfinu lið með fjárframlagi. Unga fólkið okkar hefur fengið fræðslu um Hjálparstarfið sem er bæði með aðstoð hér á landi og erlendis. Þau verða tvö til fjögur saman í hópi og treysta á góðar mótttökur fullorðna fólksins. Það er einfaldlega þannig að stuðningurinn fer í að aðstoða fólk sem býr við sárafátækt. Það er gríðarlega mikilvægt að unga fólkið okkar fái tækifæri til að láta um sig muna og þau vita að það sem safnast fer í að bjarga mannslífum sem er undursamlegt. Kærar þakkir fyrir að taka vel á móti þeim.
Fyrir hönd Vídalínskirkju
Henning Emil Magnússon og Jóna Hrönn Bolladóttir
