Svanhildur Þengilsdóttir hefur verið ráðin nýr sviðsstjóri fjölskyldusviðs Garðabæjar.
Alls bárust 14 umsóknir um starfið. Farið var yfir allar umsóknir og lagt mat á umsækjendur út frá þeim menntunar- og hæfniskröfum sem tilgreindar voru í auglýsingu. Á fundi bæjarstjórnar Garðabæjar 18. mars sl. var samþykkt tillaga bæjarstjóra um að ráða Svanhildi Þengilsdóttur í umrætt starf.
Svanhildur er með B.Sc. í hjúkrunarfræði frá Háskóla Íslands og B.Sc. í viðskiptafræði frá Háskólanum í Reykjavík. Svanhildur býr yfir víðtækri rekstrar- og stjórnunarreynslu og fjölbreyttri starfsreynslu á sviði heilbrigðis – og velferðarþjónustu, hún hefur frá árinu 2019 gegnt starfi forstöðumanns stuðnings- og öldrunarþjónustu Garðabæjar.
Svanhildur gegndi starfi svæðisstjóra Heilsugæslu Mosfellsumdæmis á árunum 2016-2019 og var yfirmaður þjónustu- og ráðgjafadeildar aldraðra í Kópavogi frá 2004-2016. Áður starfaði hún við fjöl-breytt verkefni innan Rauða kross Íslands, í öldrunarþjónustu hjá Múlabæ og hjá Landspítala Háskólasjúkrahúsi við Hringbraut.
Svanhildur tók við starfi sviðsstjóra fjölskyldusviðs Garðabæjar þann 1. apríl sl.